ഖുത്വ്ബ നിര്വഹിക്കുന്നത് ഒരാളും നമസ്കാരസമയത്ത് ഇമാമായി മറ്റൊരാളും നിന്ന് ജുമുഅ നിര്വഹിക്കുന്ന പതിവ് ചിലയിടങ്ങളില് കണ്ടുവരുന്നു. ഇത് ശരിയാണോ?
അബൂനസീം, തലശ്ശേരി
ഒരാള് ഖുത്വ്ബ നിര്വഹിക്കുകയും അതിനു ശേഷം ജുമുഅ നമസ്കാരത്തന് മറ്റൊരാള് ഇമാമാവുകയും ചെയ്യുന്ന സമ്പ്രദായം നബി(സ)യുടെ കാലത്ത് ഉണ്ടായിട്ടില്ല. അത് സംബന്ധിച്ച് അദ്ദേഹം എന്തെങ്കിലും അഭിപ്രായം പറഞ്ഞതായി വിശ്വസനീയമായി ഉദ്ധരിക്കപ്പെട്ടിട്ടുമില്ല. എന്നാല് അത് പാടില്ലെന്ന് അദ്ദേഹം പറഞ്ഞിട്ടില്ലാത്തതിനാല് അത് ഹറാമാണെന്ന് പറയാന് ന്യായവുമില്ല. നബി(സ)യുടെ കാലത്ത് നിലവിലുണ്ടായിരുന്നതു പോലെ ഖുത്വ്ബയും ഇമാമത്തും ഒരാള് തന്നെ നിര്വഹിക്കുന്നതാണ് ഉത്തമം എന്ന കാര്യത്തില് സംശയത്തിന്നവകാശമില്ല. ഖുത്വ്ബ കഴിഞ്ഞ ശേഷം ഖത്വീബിന് എന്തെങ്കിലും വിഷമം നേരിട്ടാല് മറ്റൊരാള് ഇമാമായി നമസ്കരിക്കുക തന്നെയാണ് വേണ്ടത്.
0 അഭിപ്രായങ്ങള്:
Post a Comment