ഇഹ്റാം ചെയ്യുന്നതിന് മുമ്പ് രണ്ട് റക്അത്ത് സുന്നത്ത് നമസ്കാരം നിര്വഹിക്കേണ്ടതുണ്ടോ?ഇബ്നുഅബ്ദില്ല മലപ്പുറം
ഇഹ്റാമിന് പ്രത്യേക സുന്നത്ത് നമസ്കാരമുണ്ടെന്ന് നബിവചനങ്ങളില് വ്യക്തമാക്കിയിട്ടില്ല. എന്നാല് നബി(സ) നിര്വഹിച്ച ഹജ്ജ് എപ്രകാരമായിരുന്നു എന്ന് വിവരിക്കുന്ന, ജാബിറില്(റ) നിന്ന് മുസ്ലിം റിപ്പോര്ട്ട് ചെയ്ത ഹദീസില്, നബി(സ) ദുല്ഹുലൈഫയിലെ (ഇപ്പോള് അബ്യാര് അലി എന്ന പേരിലാണ് ഈ സ്ഥലം അറിയപ്പെടുന്നത്.) പള്ളിയില് നമസ്കരിച്ചശേഷമാണ് ഇഹ്റാമില് പ്രവേശിച്ചതെന്ന് വ്യക്തമാക്കിയിട്ടുണ്ട്. പള്ളിയുടെ അടുത്ത് നിന്നല്ലാതെ റസൂല്(സ) ഇഹ്റാമില് പ്രവേശിച്ചിട്ടില്ല. അഥവാ ഹജ്ജിന്റെ പ്രഖ്യാപനം നടത്തിയിട്ടില്ല എന്ന് ഇബ്നുഉമറില്(റ) നിന്ന് ബുഖാരിയും മുസ്ലിമും റിപ്പോര്ട്ട് ചെയ്ത ഒരു ഹദീസില് കാണാം. ഇഹ്റാമിന് പ്രത്യേക സുന്നത്ത് നമസ്കാരമുണ്ടെന്ന് നബി(സ) അറിയിച്ചിട്ടില്ലാത്തതിനാല് ഇഹ്റാമിന് തൊട്ടുമുമ്പ് അവിടുന്ന് നിര്വഹിച്ചത് ഫര്ദ് നമസ്കാരമോ അതിന് ശേഷമുള്ള സുന്നത്ത് നമസ്കാരമോ ആയിരിക്കാനാണ് സാധ്യത. ഇത് പരിഗണിച്ച് ഫര്ദോ മറ്റു തരത്തിലുള്ള ഏതെങ്കിലും സുന്നത്തോ ആയ നമസ്കാരം മീഖാത്തില് നിന്ന് നിര്വഹിച്ചശേഷം ഇഹ്റാമില് പ്രവേശിക്കുന്നതാണ് നബിചര്യയോട് യോജിച്ച രീതി. പ്രമുഖ പണ്ഡിതന്മാരുടെ അഭിപ്രായവും ഇതത്രെ.
Posts
