ശ്രദ്ധിക്കുക...

‘മുഖാമുഖം’ ശബാബ് വാരികയില്‍ വരുന്ന ചോദ്യോത്തര പംക്തിയാണ്. ശബാബിന്റെ ചീഫ് എഡിറ്റര്‍, ‘മുസ്‌ലിം’ എന്ന തൂലികാനാമത്തിലാണിതെഴുതുന്നത്. പ്രിന്റഡ് എഡിഷന്‍ ലഭ്യമല്ലാത്തവര്‍ക്ക് ഉപകാരപ്പെടണമെന്ന് കരുതിയാണ് ഈ ബ്ലോഗ്. കമെന്റുകള്‍ ആശാവഹമെങ്കിലും ഇതൊരു വാദപ്രതിവാദത്തിനുള്ള വേദിയല്ല തന്നെ. ഇത് വായിക്കുന്നവര്‍ക്കുണ്ടാകുന്ന സംശയങ്ങള്‍ക്ക്, 'Mukhamukham', Shabab Weekly, Markazudawa, RM Road Kozhikode, 673 002 എന്ന വിലാസത്തിലോ shababweekly@gmail.com എന്ന ഈ മെയിലിലോ ബന്ധപ്പെടാവുന്നതാണ്.

ശിര്‍ക്ക്‌ ചെയ്‌ത മാതാപിതാക്കള്‍ക്കുവേണ്ടി പ്രാര്‍ഥിക്കാമോ?


മാതാപിതാക്കള്‍ ശിര്‍ക്കു ചെയ്‌താണ്‌ മരിക്കുന്നതെങ്കില്‍ അവര്‍ക്കു പാപമോചനത്തിനായി പ്രാര്‍ഥിക്കാന്‍ പാടില്ല എന്നുള്ളത്‌ ഇന്നത്തെ സമൂഹത്തിനും ബാധകമാണോ?

ടി എം അബ്‌ദുല്‍കരീം ഇടുക്കി .

ഈ വിഷയകമായി വിശുദ്ധ ഖുര്‍ആനില്‍ പറയുന്നത്‌ ഇപ്രകാരമാണ്‌: ``ബഹുദൈവവിശ്വാസികള്‍ ജ്വലിക്കുന്ന നരകാഗ്നിയുടെ അവകാശികളാണെന്ന്‌ തങ്ങള്‍ക്ക്‌ വ്യക്തമായിക്കഴിഞ്ഞതിനുശേഷം അവര്‍ക്ക്‌ വേണ്ടി പാപമോചനം തേടാന്‍ -അവര്‍ അടുത്ത ബന്ധമുള്ളവരായാല്‍ പോലും- പ്രവാചകന്നും സത്യവിശ്വാസികള്‍ക്കും പാടുള്ളതല്ല. ഇബ്‌റാഹീം അദ്ദേഹത്തിന്റെ പിതാവിനുവേണ്ടി പാപമോചനം തേടിയത്‌ അദ്ദേഹം പിതാവിനോട്‌ അങ്ങനെ വാഗ്‌ദാനം ചെയ്‌തതുകൊണ്ട്‌ മാത്രമായിരുന്നു. എന്നാല്‍ അയാള്‍ (പിതാവ്‌) അല്ലാഹുവിന്റെ ശത്രുവാണെന്ന്‌ അദ്ദേഹത്തിന്‌ വ്യക്തമായപ്പോള്‍ അദ്ദേഹം അയാളെ വിട്ടൊഴിഞ്ഞു. തീര്‍ച്ചയായും ഇബ്‌റാഹീം ഏറെ താഴ്‌മയുള്ളവനും സഹനശീലനുമാകുന്നു.''(വി.ഖു 9:113,114)

അല്ലാഹുവല്ലാത്തവരെ ആരാധിക്കാമെന്നോ അവരോട്‌ പ്രാര്‍ഥിക്കാമെന്നോ ഉള്ള നിലപാടോടുകൂടിയാണ്‌ മാതാപിതാക്കള്‍ മരിച്ചുപോയതെങ്കില്‍ അവര്‍ക്ക്‌ പാപമോചനത്തിനു വേണ്ടി സത്യവിശ്വാസികളായ മക്കള്‍ പ്രാര്‍ഥിക്കാന്‍ പാടില്ലെന്ന്‌ ഉപര്യുക്തസൂക്തങ്ങളില്‍ നിന്ന്‌ വ്യക്തമാകുന്നു. ഈ വിലക്ക്‌ ഏതെങ്കിലും കാലത്തേക്കോ സമൂഹത്തിലേക്കോ ബാധകമല്ലെന്ന്‌ അല്ലാഹുവോ റസൂലോ(സ) പറഞ്ഞിട്ടില്ല. എന്നാല്‍ മരിച്ചുപോയ മാതാപിതാക്കളുടെ ആദര്‍ശം സംബന്ധിച്ച്‌ അവ്യക്തതയുണ്ടെങ്കില്‍ ഈ വിലക്ക്‌ ബാധകമായിരിക്കുകയില്ല. എന്നാലും അല്ലാഹുവിങ്കല്‍ ആ മാതാപിതാക്കള്‍ പാപമോചനത്തിന്‌ അര്‍ഹതയുള്ളവരാണെങ്കില്‍ മാത്രമേ അവര്‍ക്ക്‌ വേണ്ടി വിശ്വാസികളായ മക്കള്‍ നടത്തുന്ന പ്രാര്‍ഥന പ്രയോജനപ്പെടുകയുള്ളൂ.

1 അഭിപ്രായങ്ങള്‍‌:

Malayali Peringode said...

മാതാപിതാക്കള്‍ ശിര്‍ക്കു ചെയ്‌താണ്‌ മരിക്കുന്നതെങ്കില്‍ അവര്‍ക്കു പാപമോചനത്തിനായി പ്രാര്‍ഥിക്കാന്‍ പാടില്ല എന്നുള്ളത്‌ ഇന്നത്തെ സമൂഹത്തിനും ബാധകമാണോ?

Followers -NetworkedBlogs-

Followers