കേരളത്തിലെ ഏതാണ്ടെല്ലാ പള്ളികളിലും മഗ്രിബ് നമസ്‌കാരത്തിന്‌ ബാങ്കുവിളിച്ചാലുടന്‍ സുന്നത്ത് നമസ്‌കരിക്കാന്‍ ഉദ്ദേശിക്കുന്നവര്‍ക്ക്‌ സമയം കൊടുക്കാതെ ഇഖാമത്ത്‌ കൊടുക്കുന്നു. സുഊദിയിലെ പള്ളികളില്‍ മഗ്രിബ് ബാങ്കിന്റെയും ഇഖാമത്തിന്റെയും ഇടക്ക്‌ പത്ത്‌ മിനിറ്റ്‌ സമയം സുന്നത്ത് നമസ്‌കാരത്തിന്‌ നല്‌കാറുണ്ട്‌. ഈ രീതി നമുക്കും തുടര്‍ന്നുകൂടേ?
ടി കെ മൊയ്‌തീന്‍, ജിദ്ദ
മഗ്രിബ് നമസ്‌കാരത്തിന്റെ മുമ്പത്തെ സുന്നത്ത് നമസ്കാരം ഇഷ്‌ടമുള്ളവര്‍ക്ക്‌ നിര്‍വഹിക്കാമെന്നാണ്‌ നബി(സ) പറഞ്ഞിട്ടുള്ളത്‌. അതിനാല്‍ എല്ലാ പള്ളികളിലും ബാങ്ക്‌ കഴിഞ്ഞ്‌ പത്ത്‌ മിനിറ്റ്‌ കഴിഞ്ഞേ ജമാഅത്ത്‌ നടത്താവൂ എന്ന്‌ നിഷ്‌കര്‍ഷിക്കുന്നത്‌ ശരിയല്ല. ഒരു പ്രദേശത്ത്‌ ആരും ഈ സുന്നത്ത് നമസ്കാരം നിര്‍വഹിക്കാറില്ലെങ്കില്‍ അവിടെ ബാങ്ക്‌ വിളിച്ച ഉടനെ മഗ്രിബ് ജമാഅത്ത്‌ തുടങ്ങുന്നത്‌ തെറ്റായിരിക്കുകയില്ല. ഒരു പള്ളിയില്‍ വരുന്ന കുറെ പേര്‍ ഈ സുന്നത്ത് നമസ്കാരം നിര്‍വഹിക്കുന്ന പതിവുണ്ടെങ്കില്‍ അവിടത്തെ ജമാഅത്ത്‌ നാലോ അഞ്ചോ മിനിറ്റ്‌ വൈകിക്കുന്നതായിരിക്കും ഉചിതം. രണ്ടു റക്‌അത്ത്‌ നമസ്‌കാരത്തിനുവേണ്ടി ഫര്‍ദ്വായ ജമാഅത്ത്‌ പത്ത്‌ മിനിറ്റ്‌ വൈകിക്കേണ്ട ആവശ്യമില്ലെന്നാണ്‌ `മുസ്‌ലിം' കരുതുന്നത്‌. സാധാരണഗതിയില്‍ ഓരോ ഫര്‍ദ്വ്‌ നമസ്‌കാരവും സമയത്തിന്റെ ആരംഭത്തില്‍ (ഏറെ വൈകാതെ) നിര്‍വഹിക്കുകയാണ്‌ നബിചര്യയെന്നാണ്‌ പ്രബലമായ ഹദീസുകളില്‍ നിന്ന്‌ ഗ്രഹിക്കാന്‍ കഴിയുന്നത്‌.
Posts
1 അഭിപ്രായങ്ങള്‍:
Allahuvinde Kalpanayum Nabi chariyayum pinpattuka ennulladanu oru musliminde kadama. Mahribinde munbulla 2 rakahath namaskaram Nabi (S.A) nirvahicheettundenkil adhinu 5 minittu kodukkunnadhil thettonnum illallo? Chodia karthavinde chodiam namaskarikkan thaiyarulla pallikalile kariam anennu thonunnu. adendhum avatte, Makribinu samaiam kuravaiadukondu adhikam vaikippikkade Jamaath thudangunnadh nalladhanu, pakshe Bank kazhinju 5 minittu kazhinjeettu Iqamath kodukkunndukondu virodham illa ennanu enikku thonunnadh, adhinu naattil nadakkunna reedhi bank kazhiyalum iquamath kodukkalum onnichanu. Aarenkilum 2rakath namaskarikkunnundenkil adhu kazhiyan vare nilkarilla. adhu sari allallo?
Post a Comment