ശ്രദ്ധിക്കുക...

‘മുഖാമുഖം’ ശബാബ് വാരികയില്‍ വരുന്ന ചോദ്യോത്തര പംക്തിയാണ്. ശബാബിന്റെ ചീഫ് എഡിറ്റര്‍, ‘മുസ്‌ലിം’ എന്ന തൂലികാനാമത്തിലാണിതെഴുതുന്നത്. പ്രിന്റഡ് എഡിഷന്‍ ലഭ്യമല്ലാത്തവര്‍ക്ക് ഉപകാരപ്പെടണമെന്ന് കരുതിയാണ് ഈ ബ്ലോഗ്. കമെന്റുകള്‍ ആശാവഹമെങ്കിലും ഇതൊരു വാദപ്രതിവാദത്തിനുള്ള വേദിയല്ല തന്നെ. ഇത് വായിക്കുന്നവര്‍ക്കുണ്ടാകുന്ന സംശയങ്ങള്‍ക്ക്, 'Mukhamukham', Shabab Weekly, Markazudawa, RM Road Kozhikode, 673 002 എന്ന വിലാസത്തിലോ shababweekly@gmail.com എന്ന ഈ മെയിലിലോ ബന്ധപ്പെടാവുന്നതാണ്.

ചാരപ്പണി എല്ലായ്‌പ്പോഴും നിഷിദ്ധമല്ലേ?

ചാരപ്പണി മതവിരുദ്ധമാണല്ലോ. എന്നാല്‍ നബി(സ) യുടെ കാലത്ത്‌ യുദ്ധവേളകളിലും മറ്റും സ്വഹാബിമാരെ ശ ത്രുപാളയത്തിലെ വിവരം ശേഖരിക്കുന്നതിന്നായി നിയോഗിച്ചിരുന്നുവല്ലോ. ഇത്‌ ചാരപ്പണിയല്ലേ?
കെ കെ അബ്‌ദുല്‍മജീദ്‌ പൊന്നാനി

വിശുദ്ധ ഖുര്‍ആനിലെ 49:12 സൂക്തത്തില്‍ നിരോധിച്ചിട്ടുള്ള ചാരപ്പണി വ്യക്തിജീവിതത്തിലെ സ്വകാര്യതകള്‍ ചുഴിഞ്ഞന്വേഷിച്ച്‌ ആര്‍ക്കെങ്കിലും വെളിപ്പെടുത്തിക്കൊടുക്കലാണ്‌. അമുസ്‌ലിംകളുടെ സ്വകാര്യജീവിതത്തിലേക്ക്‌ ചുഴിഞ്ഞുനോക്കുന്നതും കുറ്റകരം തന്നെയാണ്‌. എന്നാല്‍ മുസ്‌ലിം സമൂഹത്തെ ആക്രമിച്ചു നശിപ്പിക്കാന്‍ ശത്രുക്കള്‍ കോപ്പുകൂട്ടുന്നുണ്ടോ എന്ന്‌ രഹസ്യമായി അന്വേഷിക്കുന്നത്‌ വിലക്കപ്പെട്ട ചാരവൃത്തിയില്‍ പെട്ടതല്ല. ഓര്‍ക്കാപ്പുറത്ത്‌ ശത്രുക്കളുടെ ആക്രമണത്തിന്‌ ഇരയാകാതിരിക്കാന്‍ ജാഗ്രത പുലര്‍ത്തുന്നതും ആളുകളുടെ സ്വകാര്യജീവിതത്തിലേക്ക്‌ ഒളിഞ്ഞുനോക്കുന്നതും തമ്മിലുള്ള വ്യത്യാസം സുവിദിതമാകുന്നു.
Category:
Reactions: 

0 അഭിപ്രായങ്ങള്‍‌:

Followers -NetworkedBlogs-

Followers