ഞാനൊരു കെ എസ്‌ ആര്‍ ടി സി കണ്ടക്‌ടറാണ്‌. എന്റെ ജോലിക്കിടയില്‍ സ്‌ത്രീകളുടെ ശരീരത്തില്‍ എന്റെ ശരീരം സ്‌പര്‍ശിക്കാറുണ്ട്‌. ബസ്സിലെ അനിയന്ത്രിതമായ തിരക്കു കാരണം ഇതില്‍ നിന്നും മാറിനില്‌ക്കാന്‍ കഴിയുന്നില്ല. ഇതിന്റെ പേരില്‍ എനിക്ക്‌ നാളെ പരലോകത്ത്‌ ശിക്ഷ ലഭിക്കുമോ? ഈ ജോലി ഞാന്‍ ഉപേക്ഷിക്കണമോ?
കെ പി ജെ കോട്ടയം
അന്യസ്‌ത്രീകളെ യാദൃച്ഛികമായി സ്‌പര്‍ശിക്കാനിടയാവുക എന്നത്‌ ആരുടെ ജീവിതത്തിലും സംഭവിക്കാന്‍ ഇടയുള്ളതാണ്‌. ബസ്സില്‍ യാത്ര ചെയ്യുന്നവര്‍ തന്നെ ചിലപ്പോള്‍ ബോധപൂര്‍വമല്ലാതെ അന്യസ്‌ത്രീകളെ തൊട്ടുപോകാനിടയുണ്ട്‌. വിദ്യാലയങ്ങള്‍, ഓഫീസുകള്‍, ആശുപത്രികള്‍ തുടങ്ങിയ സ്ഥലങ്ങളിലും ഇങ്ങനെ സംഭവിക്കാനിടയുണ്ട്‌. ഇസ്‌ലാമിലെ ഒരു സുപ്രധാന ആരാധനാകര്‍മമായ ത്വവാഫ്‌ (കഅ്‌ബാ പ്രദക്ഷിണം) ചെയ്യുമ്പോഴും അന്യസ്‌ത്രീ-പുരുഷന്മാര്‍ അബദ്ധത്തില്‍ തൊട്ടുപോകാന്‍ ഇടയുണ്ട്‌. അബദ്ധവശാല്‍ സംഭവിക്കുന്ന തെറ്റുകള്‍ക്കൊന്നും മുസ്‌ലിംകളെ അല്ലാഹു ശിക്ഷിക്കുകയില്ലെന്നാണ്‌ വിശുദ്ധ ഖുര്‍ആനില്‍ നിന്നും പ്രാമാണികമായ ഹദീസുകളില്‍ നിന്നും ഗ്രഹിക്കാന്‍ കഴിയുന്നത്‌. ഉദ്ദേശപൂര്‍വം അന്യസ്‌ത്രീകളെ സ്‌പര്‍ശിക്കാതെ സൂക്ഷിക്കുക. സോദ്ദേശമല്ലാതെ സംഭവിക്കുന്ന തെറ്റുകള്‍ പൊറുത്തുതരാന്‍ അല്ലാഹുവോട്‌ പ്രാര്‍ഥിക്കുക. വിശുദ്ധ ഖുര്‍ആനിലെ 2:286 സൂക്തത്തില്‍ അല്ലാഹു തന്നെ പഠിപ്പിച്ചു തരുന്ന പ്രാര്‍ഥന നോക്കുക.
Posts
0 അഭിപ്രായങ്ങള്‍:
Post a Comment