ശ്രദ്ധിക്കുക...

‘മുഖാമുഖം’ ശബാബ് വാരികയില്‍ വരുന്ന ചോദ്യോത്തര പംക്തിയാണ്. ശബാബിന്റെ ചീഫ് എഡിറ്റര്‍, ‘മുസ്‌ലിം’ എന്ന തൂലികാനാമത്തിലാണിതെഴുതുന്നത്. പ്രിന്റഡ് എഡിഷന്‍ ലഭ്യമല്ലാത്തവര്‍ക്ക് ഉപകാരപ്പെടണമെന്ന് കരുതിയാണ് ഈ ബ്ലോഗ്. കമെന്റുകള്‍ ആശാവഹമെങ്കിലും ഇതൊരു വാദപ്രതിവാദത്തിനുള്ള വേദിയല്ല തന്നെ. ഇത് വായിക്കുന്നവര്‍ക്കുണ്ടാകുന്ന സംശയങ്ങള്‍ക്ക്, 'Mukhamukham', Shabab Weekly, Markazudawa, RM Road Kozhikode, 673 002 എന്ന വിലാസത്തിലോ shababweekly@gmail.com എന്ന ഈ മെയിലിലോ ബന്ധപ്പെടാവുന്നതാണ്.

മുഹമ്മദ്‌ നബി(സ) വ്യായാമത്തില്‍ ഏര്‍പ്പെട്ടിട്ടുണ്ടോ?


മനുഷ്യജീവിതത്തിലുണ്ടാവുന്ന സകല കാര്യങ്ങളും പ്രവാചക ജീവിതത്തില്‍ കാണാനാവുമെന്ന്‌ നാം പറയാറുണ്ട്‌. എന്നാല്‍ മുഹമ്മദ്‌ നബി(സ) ഏതെങ്കിലും തരത്തില്‍ വ്യായാമത്തില്‍ ഏര്‍പ്പെട്ടതായി കാണാന്‍ കഴിയുമോ?
ഫൈസല്‍  കോണോട്ട

മനുഷ്യജീവിതത്തില്‍ ഉണ്ടാകുന്ന സകല കാര്യങ്ങളും പ്രവാചക ജീവിതത്തില്‍ ഉണ്ടാകുമെന്ന്‌ അല്ലാഹുവോ മുഹമ്മദ്‌ നബി(സ)യോ പറഞ്ഞിട്ടില്ല. തെളിവില്ലാത്ത പ്രസ്‌താവനകള്‍ പ്രവാചകനെ സംബന്ധിച്ച്‌ നടത്താതിരിക്കുകയാണ്‌ യഥാര്‍ഥ വിശ്വാസികള്‍ ചെയ്യേണ്ടത്‌. മുഹമ്മദ്‌ നബി(സ)ക്ക്‌ പ്രമേഹമോ ഹൃദ്രോഗമോ കാന്‍സറോ മസ്‌തിഷ്‌കാഘാതമോ ഉണ്ടായതായി റിപ്പോര്‍ട്ട്‌ ചെയ്യപ്പെട്ടിട്ടില്ല. തേങ്ങയും മാങ്ങയും ചക്കയും അദ്ദേഹം തിന്നതായി അറിയപ്പെട്ടിട്ടില്ല.

നബി(സ) ധാരാളം നടക്കുകയും ചെറിയ മലകള്‍ കയറിയിറങ്ങുകയും ഭാര്യയുമായി ഓട്ടമത്സരം നടത്തുകയും ചെയ്‌തതായി പ്രബലമായ ഹദീസുകളില്‍ കാണാം. എന്നാല്‍ യോഗ പോലെയുള്ള വ്യായാമമുറകളിലോ കായികാഭ്യാസങ്ങളിലോ അദ്ദേഹം ഏര്‍പ്പെട്ടതായി പ്രബലമായ ഹദീസുകളില്‍ കാണുന്നില്ല. മനുഷ്യനെ അല്ലാഹു സൃഷ്‌ടിച്ചതു തന്നെ അധ്വാനിക്കേണ്ട അവസ്ഥയിലാണെന്ന്‌ വിശുദ്ധ ഖുര്‍ആനിലെ 90:4 സൂക്തത്തില്‍ കാണാം. അധ്വാനമില്ലാത്ത അലസതാ വിലസിതമായ ജീവിതം നബി(സ) ഒരിക്കലും നയിച്ചിട്ടില്ല.

0 അഭിപ്രായങ്ങള്‍‌:

Followers -NetworkedBlogs-

Followers